KOAGULYATSIYA-FLOKULYATSIYA USULI YORDAMIDA SHLAMLI SUVLARNI TOZALASH JARAYONINI TADQIQ ETISH

Аннотация

Ushbu tadqiqotda ikkilamchi qora va rangli metall parchalarini eritish jarayonida hosil
bo‘ladigan shlamli oqova suvlarni koagulyatsiya-flokulyatsiya usulida tozalash jarayoni o‘rganildi.
Metallurgiya korxonalarida hosil bo‘ladigan bunday oqova suvlar tarkibidagi muallaq zarrachalar, mayda
dispers metall birikmalari, mineral aralashmalar va boshqa ifloslantiruvchi komponentlar suv resurslariga
salbiy ta’sir ko‘rsatishi mumkin. Tadqiqotning asosiy maqsadi shlamli suvlarni samarali tozalash uchun
koagulyant va flokulyantlarning maqbul turi hamda sarfini aniqlash, tozalangan oqova suvlarni texnologik
jarayonga qaytarish va tozalash jarayonining texnologik parametrlarini optimallashtirishdan iborat.
Tadqiqot davomida koagulyatsiya va flokulyatsiyaning shlamli suv tarkibidagi muallaq moddalar hamda
metall komponentlarini ajratishga ta’siri o‘rganildi. Koagulyant dozasi, flokulyant miqdori, muhitning pH
ko‘rsatkichi, aralashtirish tezligi va jarayon davomiyligining tozalash samaradorligiga ta’siri baholandi.
Olingan natijalar asosida shlamli oqova suvlarni tozalashning samarali texnologik parametrlari belgilandi
va koagulyatsiya-flokulyatsiya jarayonidan keyin suvning fizik-kimyoviy ko‘rsatkichlarini yaxshilash
imkoniyati aniqlandi. Taklif etilgan texnologiya ikkilamchi metall xomashyosini qayta ishlash korxonalarida
suv resurslaridan oqilona foydalanish, oqova suvlar hosil bo‘lishini kamaytirish va atrof-muhitga
tushadigan antropogen yuklamani pasaytirishga xizmat qilishi mumkin.