FOLKLOR XRONOTOPINING MIFOLOGIK-MISTIK TRANSFORMATSIYASI: A. FITRATNING “QIYOMAT” HIKOYASIDA ZAMON VA MAKON POETIKASI
Ключевые слова:
folklor xronotopi, xronotop, folklorizm, mifopoetika, mifologik makon, mifologik vaqt, metafizik makon, metafizik vaqt, chegaraviy makon, qiyomat, oxirat, narigi dunyo, mistik poetika, satirik falsafiy talqinАннотация
Mazkur maqolada Abdurauf Fitratning "Qiyomat" hikoyasida folklor xronotopining
mifologik-mistik transformatsiyasi zamon va makon poetikasi asosida tadqiq etiladi. Tadqiqotning maqsadi
hikoyadagi vaqt va makon shakllarining folklor-mifologik hamda diniy tasavvurlar bilan aloqasini aniqlash
va ularning badiiy funksiyalarini ochib berishdan iborat. Tahlil jarayonida xronotop, mifopoetika va
chegaraviy makon nazariyalariga tayanildi. Fitratning mifologik-diniy modelni satirik-falsafiy ruhda qayta
ishlab, real hayot va jamiyat muammolarini aks ettirgani ko'rsatib beriladi. Natijada "Qiyomat"dagi
xronotop an‘anaviy qolip emas, balki transformatsiyalangan faol poetik tizim ekani va yozuvchining
zamonaviy ijtimoiy tafakkur shakllantirish mahoratini namoyon etishi asoslanadi.
